သီတင်းကျွတ်
ဘယ်ရွာမှ မရှိနိုင်ကြတဲ့ နေရာတစ်ခု လူငယ်တစ်စုက ထိန်းသိမ်းနေလေရဲ့...။
ခပ်စိမ်းစိမ်းတော့ မကြည့်နဲ့သူငယ်ချင်း ဒီနေရာမှာ ဒို့မိဘတွေလည်းပါခဲ့တယ်..။
ဟိုး အတိတ်ကိုပြန်ကြည့်လိုက် မင်းကိုက်ခဲ့တဲ့ မုန့်တခြမ်း လေထဲမှာ ကြိုးတန်းလန်းနဲ့ ။
လွမ်းနေမိခဲ့ မနက်စောစော ဆန်ပြုတ်တွေ မုန့်ဖက်ထုပ် ပူပူရေ ပေးခဲ့တာ ကြာလှပေါ့။
ရွာရောမြို့ပါကန် မှားများ မှန်မှန် ဒိုင်ရဲ့သဘော၊ ငြင်းမနေနဲ့ သူငယ်ချင်း သရက်ပင်ရင်းက ဂိုးတိုင်က လူကလစ် သားတွေပါ။
ပုလင်းဘူးကို ငါးမျှားချင်ရင် ဒီကိုလာ သွားစားစရာ တရွာလုံး မုန့်လုပ်ထားတယ်၊ အုန်းအုန်းကျွက်ကျွက်ဆို ချောတိုင် တက်..
ဒို့မမေ့ဖို့ အမှတ်တရများ ဘုန်းတော်ကြီးကျောင်းမှာ ချိတ်ဆွဲထားတယ်..။
မင်းလဲ ငါလဲ
ဝေးခဲ့ပေမဲ့ တွေးတွေးရဲ့ လွမ်းနေအုန်းမဲ့ မွေးရပ်ရင်ခွင် အားလုံးရဲ့...
- ဦးနေဝင်းစိုး
(ပိတောက်ခင်)